Nadom Anak Adam

NADOMAN ANAK ADAM

• Anak Adam di dunya urang ngumbara
  Umur anjeun di dunya téh moal lila

  
  
• Anak Adam umur anjeun téh ngarolotan
  Saban poé saban peuting dicokotoan

  
  
• Anak Adam anjeun paeh téh nyorangan
  Cul anak cul salaki jeung babandaan

  
  
• Anak Adam paéh euweuh nu dibawa
  Ngan kasiwung boéh anu dibawa

  
  
• Anak Adam pasaran téh lolongséran
  Saban poé saban peuting gegeroan

  
  
• Anak Adam anjeun kaluar ti imah
  Digarotong dina pasaran tugenah

  
  
• Aduh ibu aduh bapa abdi keueung
  Rup ku padung rup ku lemah abdi sieun

  
  
• Anak Adam di kubur teh bakal poék
  Nu nyaangan di kubur téh maca Qur’an

  
  
• Anak Adam paeh anjeun loba dosa
  Malaikat Munkar Nakir bakal nyiksa

  
  
• Tangtos pisan eta keuna gegendirna
  Malaikat Munkar Nakir nu neunggeulna

  
  
• Anak Adam lamun urang amal alus
  Eta tangtu dikubur teh leuwih alus

  
  
• Anak Adam kaluar ti Alam Barjah
  Waktu na teh sa ba’da Qiamah

  
  
• Nyaeta dina tiupan nu ka dua
  nu dingaranan Tiupan ba’as tea

SHARE THIS

Share it Share it Tweet