Khutbah Sunda : Zuhud
KHUTBAH SUNDA : ZUHUD
Khutbah Jumat bahasa sunda tentang sifat juhud
“Jeung anjeun ulah museurkeun paningal rupa – rupa ni’mat anu Kami dipaparinkeun ka sawatara golongan ti antara maranehna, jeung anjeun ulah nalangsa alatan maranehna, jeung Anjeun masing handao asor ka jalmi – jalmi mu’minin [ QS. Al – Hijr ayat 88 ]
ZUHUD
Hadirin Ahli jum;ah, Rohimajumulloh !
Dinatawisna ajaran islam aniu kedah dilakukeun ku sadaya mu’minin muslimin nyaeta ngamilik jiwa zuhud.
Urang kedah uninga Ari ngabalieur (zuhud) tina dunya the ku hate, sanes ku ngeureunan usaha sareng kasab. Atuh samngsa – mangsa hate masih keneh cumantel bae kana dunya maka teu manfaat ku teu gaduh dunyana oge teu manfaat mutuskeun tina usaha sareng kasab dunya, teu kalebet jalmi zuhud. Da memang nu diperedih mah mutuskeun dunya ku hate, naha Kanjeng Nabi Muhammad SAW ngadawuh :
“ Zuhud di dunya teh sanes ngaharamkeun barang halal, sanes ngmomoreukeun harta, tapi ari zuhud the nyaeta yen teu kabuktian kana barang nu aya dina tangan anjeun leuwih diandelkeun tinimang barang anu aya dina kakawasaaan Alloh “[ Tarjmah Hadist Qudsi, kaca 288]
“Ari zuhud teh henteu cumantelna hate kana harta, sanes ulah gaduh harta “ [ Kifayatul Atqiya kaca 21]
Tawis hate zuhud nyaeta teu bungah pedah aya, teu sedih sareng salangsa pedah suwung hate ngaraos tiis tina eta perkara, hate teu gelisah teu tagiwur pedah teu gaduh oeg te ngarasa reugreg pedah nuju kapimilik, teu jadi emutan jeung teu ngemut – ngemut bae kana eta perkara.
Jalmi anu zuhud nu seer harta tangtos moal koret ngaluarkeun sabahagian hartana, naha nu mangrupi zakat, infaq, sodakoh jariah, moal boros sareng awuntah. Jalmi zuhud moal ngarasa percaya diri ku ngandeulkeun kagaduhna.
Hadirin Ahli Jum’ah Rohimakumulloh
Nyakitu deui jalmi zihud nu kurang tina kagaduhna moal ngaraos minder, sirik, hasud, moal toma, moal maling. Hate – hate jalmi zuhud salamina berusaha lempeng manteng eleing ka Gusti Alloh. Bada aya nu moyok, nu muji, naek jabatan atawa turun jabatan, seueur artos atawa kurang, teu mangaruhan kan ka istiqomahan hatena margi ngayakinkeun sareng ngaraoskeun yen sagala perkara anu aya di dunya mutlak milik Alloh, nu aya di dirina darama katitipan, makana teu bade bungah ku barang titipan, teu sedih jeung jeung teu nalangsa pedah kaleungitan.
Jalmi zuhud, sadaya amal soleh sareng ibadah – ibadahna tangtos bakal berbobot sarta bakal karaos manfaatna ku dirina, kulawarga sareng muslimin, margi ibadahna teu katarumpangan tujuan – tujuan lian ka gusti Alloh SWT.
Kanjeng Nabi Muhammad Ngadawuhkeun :
“Ari zuhud dina dunya eta matak nyalsekeun hate jeung awak, sedeng resep dina dunya eta matak nyapeukeun hate jeung awak” [ HR. Ath-Thobrani – Nasoihul’Ibad, Kaca 32 ]
Kumargi zuhud the masalah kaayaan hate, maka kabengharan sareng kamiskinan teu tiasa jadi ukuran kanggo nganilai zuhud heunteuna hiji jalmi. Kukitunan urang sadaya dipahingawon sangki ka batur. Da, mungkin baw nu benghar nu miskin hate zuhud, oge mungkin nu beunghar nu miskin hatena teu zuhud.
Muga – muga urang sadaya ku Gusti Alloh SWT dipasihan hate anu zuhud dina dunya paling henteu dina nalika nuju ngalaksanakeun sholat. Supaya solat urang aya dina kaikhlasan, khusyu, tiasa nyampurnakeun sadaya katangtosan sholat, tenang sareng rintih, henteu galideur sareng seuredeg.
Penulis
Drs. H. Yuyun Rahayu
Lihat Juga : Khutbah Sunda : Tilu Cocoba
0 Response to "Khutbah Sunda : Zuhud"
Post a Comment
Silahkan berkomentar dengan baik dan sopan, bila ada kesulitan silahkan bertanya